Pas Italisë, AUV bën të ditur se është ndaluar importi i shpezëve edhe nga Hungaria

Agjencia e Ushqimit dhe Veterinarisë ka njoftuar se është marrë vendim për ndalimin e importit të shpezëve dhe produkteve të tyre nga Hungaria në Kosovë.

Sipas njoftimit, ky vendim vjen pas raportit të Organizatës Botërore për Shëndetin e Kafshëve (WOAH) dhe Raportit të Komisionit Evropian, të cilët kanë njoftuar se në shtetin e Hungarisë është i pranishëm Gripi i Shpezëve në fermat komerciale dhe në shpezët e egra në njësitë administrative Jasz, Nagykun dhe Szolnok të Hungarisë.

“Ndalohet importi i shpezëve të gjalla dhe i produkteve të tyre që kanë origjinën nga zonat e infektuara të shtetit të Hungarisë, përveç nëse ato kanë origjinën nga ferma të paprekura nga sëmundja, të cilat gjenden në një rreze prej 50 km larg zonave të prekura” – thuhet në njoftim, ndalesë e cila hyn në fuqi menjëherë.

Përveç Hungarisë, AUV më 04.11.2025 ka njoftuar se ka ndaluar importin e shpezëve dhe produkteve të tyre edhe nga Italia, për të njëjtën arsye.

https://kallxo.com/lajm/auv-i-njofton-se-ka-ndaluar-importin-e-shpezeve-dhe-produkteve-te-tyre-nga-italia/