Kolumbia tërheq ambasadorin nga SHBA-ja pas përplasjeve për tarifat e drogën

Ministria e Jashtme e Kolumbisë ka bërë të ditur të hënën (20.10.2025) se ka tërhequr nga Shtetet e Bashkuara të Amerikës ambasadorin e saj pasi presidenti amerikan, Donald Trump, deklaroi se do t’i rriste tarifat ndaj Kolumbisë dhe se do të ndalonte të gjitha pagesat për shtetin e Amerikës Latine, në një përplasje që buron prej sulmeve ajrore të ushtrisë amerikane ndaj rrjeteve të dyshuara për transportimin e drogës, raporton Reuters.

Presidenti Trump e ka quajtur gjithashtu të dielën presidentin kolumbian, Gustavo Petro, “lider ilegal i drogës, akuzë që sipas qeverisë kolumbiane është fyese.

“Daniel Garcie-Pena, ambasador i Kolumbisë në Shtetet e Bashkuara të Amerikës, është tërhequr për konsultime prej presidentit Gustavo Petro dhe tani ndodhet në Bogotë”, ka bërë të ditur Ministria e Jashtme kolumbiane. “Gjatë orëve të ardhshme, qeveria kombëtare do të informojë për vendimin e marrë”.

Presidenti Petro ka thënë se Kolumbia nuk ka telashe me Shtetet e Bashkuara si vend, por me presidentin e tyre.

Përgatiti: Rexhep Maloku – Kallxo.com