Arrestohet një person për sulm dhe posedim të paautorizuar të armës në Prishtinë

Policia e Kosovës ka njoftuar se ka arrestuar një person për posedim të paautorizuar të armës së zjarrit dhe për sulm.

Sipas njoftimit, i arrestuari, dyshohet për sulm dhe ekspozim të armës ndaj një personi tjetër.

“Është arrestuar i dyshuari m/k pasi që, i kishte ekspozuar armën e zjarrit viktimës m/k (i cili kishte disa lëndime në kokë). Viktima ka pranuar tretman mjekësor në QKUK, dhe pas këndelljes nga alkooli nuk i kujtohet se si ka ndodhur ngjarja, ndërsa pistoleta me 19 fishek është sekuestruar” – ka thënë Policia.

Sipas Policisë, me vendim të prokurorit i dyshuari është dërguar në mbajtje.