Transporti i kanabisit nga Tajlanda përmes shërbimit postar drejtë Shqipërisë, arrestohen disa persona
Lëndë narkotike, kanabis dyshohej se po trafikohej nga Tajlanda në Shqipëri nga një grup personash të cilët tashmë janë arrestuar nga Policia e Shtetit gjatë një operacioni të koduar si “Destinacioni 3”.
Transporti po dyshohet se u krye përmes shërbimeve postare ndërsa të dyshuarit sipas policisë kanë bashkëpunuar për të kryer këtë vepër penale.
Policia e Shtetit ka njoftuar se të arrestuarit në flagrancë nga Policia e Shtetit janë tre persona 25 vjeçare, I.P., R.Z., dhe E.K. të tre banues në Tiranë.
Gjithashtu përveç arrestimit, Policia e Shtetit ka arritur që të sekuestroj një sasi prej 520 gramësh me përqindje të lartë THC, me vlerë 11 mijë, shuma parash, aparate celulare, sende me vlerë dhe prova të tjera materiale.
Sipas njoftimit, njësia për Hetimin e Narkotikëve në Tiranë, në bashkëpunim me Forcën e Posaçme Operacionale dhe Filialin Qendra Transite e Postës Shqiptare, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, si rezultat i veprimeve të kryera me metoda proaktive, kanë finalizuar një tjetër operacion në kuadër të goditjes së trafikimit të lëndëve narkotike.
Materialet i kaluan Prokurorisë për veprime të mëtejshme procedurale.
