Sulmuan një person dhe gjatë largimit nga vendi i ngjarjes e goditen me veturë një grua, arrestohen dy të dyshuarit

Policia e Kosovës ka arrestuar dy persona në Mitrovicë të Jugut pasi dyshohet se pas një aksident kanë sulmuar fizikisht një person tjetër.

Të arrestuarit, sipas Policisë, gjithashtu gjatë largimit nga vendi i ngjarje kanë goditur një grua duke i shkaktuar lëndime të rënda.

“Raportohet se pas një aksidenti në trafik, dy të dyshuar meshkuj kosovarë kishin sulmuar fizikisht viktimën mashkull kosovar dhe gjatë largimit nga vendi i ngjarjes kishin goditur edhe një femër duke i shkaktuar lëndime të rënda, e cila ishte dërguar në QKUK Prishtinë”- thuhet në njoftim.

Dy të dyshuarit, sipas Policisë janë arrestuar dhe janë dërguar në mbajtje.