Qendra Kinematografike shpall listën e projekteve filmike të mbështetura për 2025-ën
Qendra Kinematografike e Kosovës (QKK) ka shpallur listën e projekteve fituese të konkursit për mbështetjen e projekteve filmike të hapur më 22.05.2025.
Sipas njoftimit të QKK-së, janë mbështetur 48 projekte filmike në 11 kategori.
Në kategorinë për film të gjatë artistik janë mbështetur 3 projekte filmike; për zhvillim skenarin 14 projekte filmike; për film të shkurtër artistik projekte filmike; për film të shkurtër dokumentar 3 projekte filmike; për film të gjatë dokumentar 3 projekte filmike; në kategorinë postproduksion për film të gjatë janë mbështetur 4 projekte filmike; një projekt është mbështetur në kategorinë e film të gjatë avantgarde/eksperimental.
Pesë projekte janë mbështetur në kategorinë koproduksion minor; 3 projekte filmike në kategorinë e shkurtër të animuar; një projekt në kategorinë zhvillim projekti për film të gjatë (artistik, dokumentar dhe të animuar), dhe 3 projekte të metrazhit të shkurtër studentor.
Sipas QKK-së, në juria për përzgjedhjen e projekteve fimike në kategorinë për film të gjatë, përbëhej nga: Gentian Koçi, Hassan Oswald, Roshanak Behesht Nedjad, Soňa Morgenthalová dhe Visar Morina.
Kurse juria në përbërje: Dea Gjinovci, Eneos Çarka, Iber Deari, Sevdije Kastrati dhe Shpëtim Selmani, ka bërë përzgjedhjen e filmave në kategorinë e filmit të shkurtër dhe zhvillim i skenarit.
Kurse filma për për kategorinë post-produksion janë përzgjedhur nga juria në përbërje: Hassan Oswald, Roshanak Behesht Nedjad, Sona Morgenthalova, Visar Morina dhe Sevdije Kastrati.
“Pas shqyrtimit dhe përzgjedhjes nga juria vlerësuese, Komisioni financiar në përbërje të Ilir Gjocaj, Fitim Shala dhe Virgjina Peja ka miratuar mbështetjen për gjithsej 48 projekte filmike”- thuhet në njoftimin e QKK-së.
Sipas QKKK-së, aplikuesit kanë të drejtë ankese mbi këtë vendim brenda 8 ditëve nga data e publikimit të rezultateve.
Ankesa duhet të dorëzohet fizikisht në QKK dhe të dërgohet gjithashtu në adresën zyrtare: qkk@rks-gov.net.
Lista e projekteve fituese.
