Policia britanike: Njëra nga viktimat në sulmin në sinagogë u vra nga policia

Njëra nga viktimat të vrara në sulmin e së enjtes (02.10.2025) në sinagogën e Mançesterit është qëlluar prej policëve derisa po mundoheshin ta qëllonin sulmuesin, ka bërë të ditur Policia e rajonit të Mançesterit, raporton BBC.

Dy burra hebraikë janë vrarë kur një burrë i dha një makine drejt anëtarëve të kongregatës, duke therur pastaj disa prej tyre. Emrat e viktimave janë: Adrian Daulby- 53 vjeç, dhe 66-vjeçari Melvin Cravitz.

Tre persona ndodhen të shtirë në spital, ka bërë të ditur policia.

Familja e Jihad Al-Shamiet, për të cilin policia beson se e kreu sulmin, ka shprehur “pikëllim dhe tronditje të madhe” dhe ka dënuar “aktin e neveritshëm”.

Tre persona të tjerë janë arrestuar dhe policia po e trajton sulmin si incident terrorist.

Kryeministri britanik, Keir Starmer, pasi ka vizituar sinagogën, ka falënderuar personat që reaguan të parët, duke u zotuar se komuniteti hebraik “do të jetë i sigurt”.

Kryerabini i hebrenjve në Britani të Madhe ka thënë se sulmi në sinagogën e Heaton Parkut në ditën e Yom Kippurit është “rezultat tragjik” i një “vale të pareshtur të urrejtjes ndaj hebrenjve”.

Përgatiti: Rexhep Maloku – Kallxo.com