Mbyllet afati: 24 subjekte aplikuan për pjesëmarrje në zgjedhjet e 28 dhjetorit

Komisioni Qendror Zgjedhor ka njoftuar se është mbyllur afati për deklarim të koalicioneve dhe aplikim për certifikim të pjesëmarrjes në zgjedhjet e parakohshme për Kuvendin e Kosovës, të cilat do të mbahen më 28.12.2025.

Deri në ora 23:59 të së dielës gjithsej 24 subjekte e kanë plotësuar këtë formularë. Nga to, 3 koalicione, 18 parti politike, 2 iniciativa qytetare dhe 1 kandidat i pavarur.

KQZ njofton se deri më 07.12.2026, këto subjekte politike duhet të dorëzojnë edhe listat e tyre me emrat e kandidatëve për deputetë.

Lëvizja Vetëvendosje bashkë me GUXO-n, Alternativën dhe Partinë Shqiptare Demokristiane kanë plotësuar formularin për certifikim për pjesëmarrje në zgjedhjet e parakohshme për Kuvendin e Kosovës si një koalicion.

Dy koalicionet e tjera të cilat kanë plotësuar formularin për certifikim janë: koalicioni “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB); dhe koalicioni “Koalicija VAKAT”, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV).

Partitë politike të cilat kanë plotësuar formularin janë:

• LIDHJA DEMOKRATIKE E KOSOVËS – LDK;
• PARTIA DEMOKRATIKE E KOSOVËS – PDK:
• Kosovaki Nevi Romani Partia;
• JEDINSTVENA GORANSKA PARTIJA;
• Za Slobodu Pravdu i Opstanak;
• KOSOVA DEMOKRATIK TÜRK PARTISI;
• PARTIA LIBERALE EGJIPTIANE;
• PARTIA ROME E BASHKUAR E KOSOVËS;
• SOCIALDEMOKRATSKA UNIJA – SDU;
• SRPSKA LISTA;
• INICIATIVA E RE DEMOKRATIKE E KOSOVËS;
• FJALA;
• NOVA DEMOKRATSKA STRANKA – NDS;
• LËVIZJA PËRPARIMTARE E ROMËVE TË KOSOVËS (LPRK).
• ALEANCA PËR ARDHMËRINË E KOSOVËS (AAK)
• KOSOVSKI SAVEZ; dhe
• NISMA SOCIALDEMOKRATE.
• PARTIA BALLI KOMBËTAR DEMOKRAT SHQIPTAR (PBKDSH).

Iniciativat qytetare:

• PËR SOCIALDEMOKRATËT E ASHKALINJËVE; dhe
• INICIATIVA QYTETARE PËR KOSOVË.

Kandidatët e pavarur:

• NEDŹMIDIN SEJDILAR;

Kosova do të mbaj zgjedhjet e jashtëzakonshme për Kuvendin e Kosovës më 28.12.2025.

Shënim: Teksti është përditësuar në ora 14.20 me përshirjen e PDKSH-së në listën e subjekteve që kanë apikuar për certifikim për zgjedhjet e parakohshme të 28 dhjetorit.