Deri 1 orë e gjysmë qytetarët po presin në Jarinjë për të dalë nga Kosova

Më shumë se një orë janë duke pritur qytetarët për të dalë nga Kosovë në pikë kalimin kufitar në Jarinjë.

Sipas të dhënave të Qendrës Kombëtare për Menaxhim Kufitar, më 22.08.2025, të orës 17:35, pritja prej 1 orë deri 1 orë e gjysmë në Jarinjë ka shkaktuar kolona deri në 1000 metra.

Kurse, për të hyrë në Kosovë në këtë pikë kalimi kufitar, qytetarët po presin 15 deri 20 minuta.

Ndërsa, në pikë kalimin kufitar në Merdarë dhe Muçibabë qytetarët po presin deri 30 minuta për të dalë nga Kosova. Kjo ka shkaktuar deri 200 metra kolona në Merdarë e 50 metra më shumë në Muçibabë.

Si dhe, 25 minuta është kohëzgjatja për të dalë nga Kosova te Dheu i Bardhë.

Në fund të faqes zyrtare të Ministrisë së Punëve të Brendshme (MPB) mund t’i gjeni të dhënat për pritjet në pikat kufitare të Kosovës, të cilat rifreskohen rreth çdo një orë.