MPB njofton për punime në infrastrukturën shtetërore të TIK gjatë fundjavës

Ministria e Punëve të Brendshme ka bërë të ditur se Agjencia e Shoqërisë së Informacionit (ASHI) do të realizojë punime teknike në infrastrukturën shtetërore të teknologjisë së informacionit dhe komunikimit (TIK) gjatë ditëve të fundjavës.

Si pasojë, sipas njoftimit, gjatë kohës së kryerjes së punimeve mund të ketë ndërprerje të përkohshme ose vështirësi qasjeje në disa nga shërbimet digjitale që u ofrohen qytetarëve.

Sipas njoftimit, punimet janë pjesë e aktiviteteve të planifikuara për avancimin e infrastrukturës shtetërore të TIK‐ut, me qëllim rritjen e performancës dhe sigurisë së shërbimeve digjitale që menaxhohen dhe administrohen nga ASHI.

Tutje, MPB ka kërkuar mirëkuptimin e qytetarëve për këto ndërprerje të mundshme.