Sulmuesi anësor i Juventusit, Federico Bernardeschi, thotë se bashkëlojtari i tij i skuadrës, Cristiano Ronaldo, e meriton të fitojë Topin e Artë, shkruan Kallxo.com.

Berna ka thënë përveç sezonit fantastik që e ka pasur Ronaldo me Realin, ai ka shkëlqyer edhe me Portugalinë në Kupën e Botës dukë shënuar hat-trick kundër Spanjës.

Sipas tij, nëse duhet t’i gjykojë çmimet individuale atëherë Ronaldo e bën diferencën në gjithçka.

“Unë mendoj se ai e meriton Topin e Artë, Ai gjithashtu ka shkëlqyer në Kupën e Botës, ka shënuar një hat-trick kundër Spanjë dhe jo çdokush mund t’a bëjë këtë gjë. Modric është një kampion, por nëse më duhet t’I gjykoj çmimet individuale, atëherë për mendimin tim Cristiano Ronaldo ka bërë diferencën në gjithçka”, ka thënë Bernardeschi për mediat italiane.

Policia ka njoftuar se një grua ka pësuar lëndime të rënda trupore në rrethana të pasqaruara në Mitrovicën e Veriut.

Sipas njoftimit, e njëjta në gjendje të rëndë shëndetësore ishte dërguar në Spitalin e Mitrovicës së Veriut dhe më pas në Qendrën Klinike Universitare të Kosovës (QKUK).

“Pas marrjes së tretmanit mjekësor në QKUK, e njëjta përsëri është dërguar për tretman mjekësor në spitalin rajonal Mitrovicë Veri”- thuhet në njoftimin e Policisë më 05.12.2025.

Me urdhër të prokurorit, sipas Policisë rasti është duke u hetuar.