Shoqata për Kërkim dhe Shpëtim: Zhduket një person në Bresalc, nis kërkim-shpëtimi

Një person dyshohet që është zhdukur në fshatin Breslac të komunës së Gjilanit.

Shoqata e Kosovës për Kërkim dhe Shpëtim njoftoi se ka nis operacionin e kërkim-shpëtimit.

“Ekipet e Shoqatës së Kosovës për Kërkim-Shpëtim (SHKKSH) janë angazhuar sot në një operacion kërkimi në fshatin Bresalc, Komuna e Gjilanit, pas raportimit për një person të zhdukur. Në terren po punon edhe njësia jonë e dronave, duke mbështetur kërkimet nga ajri për të mbuluar sa më shumë terren në mënyrë efektive” – thuhet në njoftim.

Kjo shoqatë ka thënë se operacioni po vazhdon me përkushtim të plotë,  e po ashtu kanë falënderuar të gjithë vullnetarët që po kontribuojnë.