Rezultatet nga QKN për Mitrovicë të Jugut, Arian Tahiri vetëm 40 vota më shumë se Faton Peci
Në Qendrën Komunale të Numërimit (QKN) të votave në Mitrovicë ka përfunduar procesi i numërimit të votave të zgjedhjeve të 12.10.2025.
Sipas rezultateve (ende preliminare) të QKN-së, kandidati i PDK-së, Arian Tahiri dhe ai i LVV-së, Faton Peci, do të shkojnë në balotazh për kryetar të Komunës së Mitrovicës së Jugut.
Sipas këtyre rezultateve, kandidati i PDK-së ka vetëm 40 vota më shumë se ai i LVV-së.
Tahiri ka marrë 15,393 vota ose 47.91 për qind, kurse Peci 13,953 ose 47.78 për qind të votave.
Kandidati i LDK-së, Gëzim Plakolli, ka fituar 1,146 vota (3.57%), kurse kandidati i AAK-së, Qazim Nimani 238 vota (0.74%).
Sipas rezultateve të QKN-së për zgjedhjet për Kuvendin Komunal të Mitrovicës së Jugut, PDK ka marrë 12,166 vota (40.47%), LVV 6,835 vota (22.73%), Partia GUXO 3,854 vota (12.82%), LDK 3,587 vota (11.93%), AKR 1,079 vota (3.59%), Forca e Diasporës 589 vota (1.96%), NISMA Socialdemokrate 532 vota (1.77%), AAK 475 vota (1.58%), Forca e Re Kombëtare 369 vota (1.23%), ALTERNATIVA 317 vota (1.05%), KDTP 261 vota (0.87%).
Sipas rezultateve të QKN-së për zgjedhjet për Kuvendin Komunal të Mitrovicës së Jugut, PDK ka marrë 12,166 vota (40.47%), LVV 6,835 vota (22.73%), Partia GUXO 3,854 vota (12.82%), LDK 3,587 vota (11.93%), AKR 1,079 vota (3.59%), Forca e Diasporës 589 vota (1.96%), NISMA Socialdemokrate 532 vota (1.77%), AAK 475 vota (1.58%), Forca e Re Kombëtare 369 vota (1.23%), ALTERNATIVA 317 vota (1.05%), KDTP 261 vota (0.87%).
Këto rezultate nuk përfshijnë: votat nga votimi jashtë Kosovës, votat nga votimi me kusht, dhe votat nga votimi i personave me nevoja të veçanta.
KALLXO.com raportoi se numëruesit dhe vëzhguesit e Qendrës Komunale të Numërimit në Mitrovicë i dërguan KALLXO.com fotografi të fletëvotimeve, numri serik i të cilave ishte i shqyer, përkatësisht në fletëvotimet ku ishte votuar Arian Tahiri, kandidat për kryetar të Komunës nga radhët e PDK-së.
Ata pretenduan se ashtu i kanë gjetur dhe sipas tyre kanë ardhur nga qendra e votimit në Shipol, me ç’ rast gjithsej 12 fletëvotime të tilla u shpallën të pavlefshme.
Sekretari i PDK-së në Mitrovicë, Valon Brahimi, potencoi se për këtë kanë dërguar ankesë në PZAP dhe sipas tij kjo nuk është ankesa e vetme që kanë adresuar.
Gjithashtu kujtojmë se Prokuroria e Mitrovicës është duke mbledhur informata lidhur me pretendimet për keqpërdorim të votave në ditën e zgjedhjeve lokale të 12 tetorit në fshatin Shipol të Mitrovicës së Jugut.
https://kallxo.com/lajm/prokuroria-po-mbledh-informata-rreth-pretendimeve-per-keqperdorim-te-votave-ne-shipol-te-mitrovices/
