Presidentja Osmani në takim me ambasadorin britanik flasin për lidhjen e marrëveshjeve në fushën e mbrojtjes dhe sigurisë

Presidentja e Kosovës, Vjosa Osmani, më 03.12.2025 është takuar me ambasadorin e Mbretërisë së Bashkuar, Jonathan Hargreaves, më të cilin kanë diskutuar për zhvillimet e fundit në vend, si dhe për procesin e zgjedhjeve të parakohshme të 28 dhjetorit.

Tutje është bërë e ditur se në takim u diskutua edhe për hapat konkretë drejt finalizimit të iniciativës së presidentes për lidhjen e marrëveshjeve strategjike me Mbretërinë e Bashkuar.

Bëhët fjalë për fushat e interesit të përbashkët, respektivisht atë të mbrojtjes, sigurisë, si dhe ekonomisë e tregtisë.

“Presidentja ritheksoi rëndësinë që edhe këto zgjedhje të mbahen sipas standardeve më të larta demokratike, në të cilat Kosova tashmë është shembull. Po ashtu, në takim u diskutua edhe për hapat konkret drejt finalizimit të iniciativës së Presidentes për lidhjen e marrëveshjeve strategjike me Mbretërinë e Bashkuar në fushat e interesit të përbashkët, respektivisht atë të mbrojtjes, sigurisë, si dhe ekonomisë e tregtisë, për ç’gjë ishin dakorduar gjatë vizitës së Sekretarit të Jashtëm britanik në Kosovë në prill të këtij viti”- thuhet në njoftim.

Tutje, ajo shprehu gjithashtu mirënjohjen për mbështetjen e vazhdueshme britanike për Kosovën dhe qytetarët e saj.