Policia njofton se janë larguar arinjtë nga fshati Bellobrad i Dragashit

Policia e Kosovës ka njoftuar se janë larguar arinjtë nga fshati Bellobrad i Dragashit, pas shqetësimeve nga banorët e zonës, sidomos tek prindërit e nxënësve të shkollës së fshatit.

Sipas Policisë, arinjtë janë kthyer në arealin e tyre natyror në pyje dhe janë ushqyer në vendbanimin e tyre.

Stacioni Policor në Dragash thuhet se fillimisht ka shtuar patrullimet në zonën e fshatit Bellobrad dhe ka filluar bashkërendim me institucionet përgjegjëse.

“Nga Shoqata e Gjuetarëve ‘Dhia e Egër’ është konfirmuar se aksioni për largimin e arinjve është përfunduar me sukses. Policia informon edhe njëherë banorët e fshatit Bellobrad dhe rrethin se arinjtë janë larguar dhe zona është e sigurt për qytetarët” – thuhet në njoftimin e Policisë më 17.11.2025.

KALLXO.com ka publikuar më 12.11.2025 një video në të cilën shihen arinjtë në Dragash duke zbritur në afërsi të vendbanimeve. Video është xhiruar më 11.11.2025.