Mitrovicë e Veriut, gjenden produkte medicinale të paautorizuara për tregun e Kosovës
Ministria e Shëndetësisë ka njoftuar se në një barnatore private në Mitrovicën e Veriut kanë hasur sasi të mëdha të produkteve medicinale të paautorizuara për tregun e Kosovës.
Në njërin barnatore, ministria thot se produktet e gjetura ishin të pajisura me banderolë të Serbisë, ose të Maqedonisë së Veriut apo dhe pa banderolë.
Ndërsa në një tjetër barnatore janë hasur produkte medicinale me banderolë të kuqe që janë të dedikuara për sektorin publik të shëndetësisë dhe janë falas për qytetarët apo janë të dhuruara si donacione për Spitalin e Mitrovicës Veriore.
“Të gjitha produktet medicinale të paautorizuara u konfiskuan nga ana e inspektoratit dhe ditëve në vazhdim do të vazhdohen me procedurat e rregullta”- bënë të ditur Ministria e Shëndetësisë.
Ky institucion u ka bërë thirrje qytetarëve të sinjalizojnë në çdo kohë në inspektoratet për çdo parregullsi që venë re.
