Mbeturinat në lagjen "Ulpiana", nga Komuna e Prishtinës premtojnë se do të dalin në terren për të verifikuar se kush është shkaktari

Disa mbeturina janë parë skaj parkingut të banesave në lagjen ‘Ulpiana’ të Prishtinës.

KALLXO.com ka parë nga afër gjendjen në këtë rrugë më 12.11.2025.

Ndërkaq, lidhur me këtë nga Drejtoria e Shërbimeve Publike në Prishtinë deklaruan se nuk kanë qenë në dijeni për këto mbeturina.

Zyrtari i kësaj Drejtorie, Shkëlqim Mustafa, tha se do të dalin për ta verifikuar se kush është shkaktar për këtë gjendje, duke mos dhënë afat se kur do të ndodhë largimi i tyre.

“Jo, kjo është fotoja e parë që e kemi pranuar për këtë lokacion. Do të dalim për ta verifikuar gjendjen në terren dhe për të përcaktuar kush është shkaktari i kësaj gjendjeje. Siç shihet nga fotoja, mund të jetë edhe ndonjë biznes specifik, nëse rezulton të jetë ashtu, do të merren masa ndaj shkaktarëve” – theksoi Mustafa.