Liderët e BE-së pritet ta përkrahin Zelenskyn në samitin e Brukselit

Liderët e Bashkimit Europian pritet të shfaqin përkrahje për presidentin ukrainas, Volodymyr Zelensky në samitin e së enjtes (23.10.2025) në Bruksel disa ditë pasi presidenti amerikan, Donald Trump, fillimisht mbështeti planet dhe pastaj u tërhoq prej tyre për një takim me presidentin rus, Vladimir Putin, raporton Reuters.

Në takimin e së enjtes, liderët e BE-së pritet të takohen me Zelenskyn për të rishprehur mbështetjen e tyre për integritetin territorial të Ukrainës dhe të pajtohet për hartimin e një propozimi për përdorimin e aseteve të ngrira ruse për një hua të madhe Kievit.

Zelensky do të ketë një shtytje të re në formën e një pakoje të re prej sanksioneve të BE-së kundër Rusisë.

Presidenti Trump ka bërë të ditur javën e kaluar se ai dhe homologu Putin do të takoheshin së shpejti në Budapest, duke nxitur shqetësime në mesin e aleatëve europianë të Kievit, por më vonë u mor vendim që samiti të shtyhet. Presidenti amerikan u ka vendosur të mërkurën sanksione kompanive ruse të naftës për shkak të mungesës së gatishmërisë së Moskës për armëpushim në luftën në Ukrainë për t’i hapur rrugë fundit të luftës.

Pas këtyre zhvillimeve, liderët europianë kanë shprehur etjen që të demonstrojnë përkrahjen për Ukrainën. Rusi aka thënë se od të hakmerrej nëse Bashkimi Europian do të sekuestronte astetet e ngrira ruse për t’ia dhënë një hua të madhe Ukrainës.

Përgatiti: Rexhep Maloku – Kallxo.com