Kryediplomati francez: Zgjedhjet konfirmuan “kthimin e Moldavisë kah Europa”

Ministri i Jashtëm francez, Jean-Noel Barrot, ka mirëpritur të hënën (29.09.2025) rezultatin e zgjedhjeve parlamentare në Moldavi, ku partia në pushtet pro-B, ia doli t’i fitonte zgjedhjet e fundjavës, raporton Reuters.

“Asgjë nuk mund ta ndalë një popull që zgjedh demokracinë dhe lirinë. Madje as përpjekjet dëshpëruese për ndërhyrje prej një pale të huaj. Franca mirëpret vëllazërisht zgjedhjen sovrane të popullit moldav për të konfirmuar gatishmërinë e tij për t’u kthyer kah Europa”, ka shkruar Barrot në platformën sociale, X.

Partia moldave pro-Bashkimit Europian, e udhëhequr prej presidentes Maia Sandu, pretendon se ka po prin me epërsi të theksuar dhe se do të ketë shumicë të re parlamentare pas zgjedhjeve të dielës (28.09.2025) që janë vlerësuar si kritike për të ardhmen e vendit në bllokun europian, raporton Euronews.

Pas numërimit të 95 % të votave, Partia e Veprimit dhe Solidaritetit prin me 48 % të mbështetjes.

Blloku Zgjedhor Patriotik pro-rus ka fituar 25.6 %, ndërsa Blloku Alternativa, i cili është miqësor me Rusinë, arriti në 8.3 % dhe Partia Jonë populiste — e cila kërkon “politikë të jashtme të balancuar” ndërmjet Lindjes dhe Perëndimit — ka 6.3 %. Partia e krahut të djathtë Demokracia në Vend ka 5.7 %.

Moldavia ka akuzuar Rusinë për përpjekje të vazhdueshme për ndërhyrje në zgjedhje.

Përgatiti: Rexhep Maloku – Kallxo.com