Këshilltari i Haradinajt për kërcënimin ndaj Kurtit: Ku janë prokurorët ?
Këshilltari i Kryeministrit në detyrë, Halil Matoshi ka reaguar pas kërcënimit që anëtari i Nismas Social Demokrate, Haxhi Hoti i ka bërë sot gjatë ditës për kryetarin e Lëvizjes Vetëvendosje, Albin Kurti.
Matoshi ka kritikuar qasjen e Prokurorisë së shtetit për trajtimin e këtij rasti derisa kërcënimin e ka quajtur të trishtueshëm.
“E trishtueshme! A ka naj Prokuror kujdestar athu në këtë shtet??? Për thirrje publike në vrasje, nxitun nga konspiracione filmash bardh-zi, prej Leskoci e n’Kanada, do të bâhej i gjallë nji Prokuror e do të reagonte, ex oficio. E n’Kosovë? Ncëk. I kanë shti veshët n’lesh!??”, ka shkruar Matoshi në Facebook.
Prokuroria e shtetit ka thënë për KALLXO.com se do të marrin masa për kërcënimin e sotëm ndaj Albin Kurtit.
Ndërsa vet Haxhi Hoti përmes një postimi në Facebook ka kërkuar falje publike, derisa ka fajësuar mediat se e kanë shpërndarë lajmin pa lejen e tij.
https://kallxo.com/ligji/prokuroria-do-te-marre-hapa-ndaj-anetarit-te-nismes-qe-paralajmeroi-vrasjen-e-albin-kurtit/
