Hamasi dhe Xhihadi Islamik e hedhin poshtë planin egjiptian për të hequr dorë nga pushteti në Rripin e Gazas
Hamasi dhe Xhihadi Islamik aleat e kanë hedhur poshtë një plan egjiptian që propozon që ata të heqin dorë nga pushteti në Rripin e Gazës në këmbim të një armëpushimi të përhershëm, thanë për Reuters dy burime egjiptiane të sigurisë. Të dy grupet, të cilat kanë mbajtur bisedime të veçanta me ndërmjetësit egjiptian në Kajro, e kanë kundërshtuar ofrimin e çdo lëshimi përtej lirimit të mundshëm të më shumë pengjeve të kapur më 7 tetor.
Egjipti propozoi një “vizion”, të mbështetur gjithashtu nga ndërmjetësit e Katarit, që do të përfshinte një armëpushim në këmbim të lirimit të më shumë pengjeve dhe do të çonte në një marrëveshje më të gjerë që përfshin një armëpushim të përhershëm së bashku me një rishikim të udhëheqjes në Gaza, e cila aktualisht udhëhiqet nga Hamasi.
Shumë palestinezë në Rripin e Gazës i kanë ndjekur urdhrat e evakuimit të ushtrisë izraelite dhe kanë kërkuar siguri në zonat e përcaktuara, ka deklaruar një udhëheqës i ekipit humanitar të OKB-së në Gaza ndërkohë që ndërsa kryeministri i Izraelit, Benjamin Netanyahu, ka thënë se ofensiva në Gaza “nuk është afër përfundimit” dhe se “ne po e zgjerojmë luftën në ditët në vijim”.
Herët të martën, banorët palestinezë kanë raportuar disa sulme ajrore pranë spitalit Nasser në Khan Younis, në jug të Gazës. Në anën tjetër, zyrtarët palestinezë të shëndetësisë thanë se shtatë persona u vranë në një sulm izraelit në një shtëpi në qytet.
Sulmet ajrore izraelite i kanë vrarë më shumë se 100 palestinezë gjatë natës së të hënës në Gaza, sipas zyrtarëve shëndetësorë në territorin e udhëhequr nga Hamasi. Associated Press raportoi më vonë se të paktën 106 u vranë në sulmin në kampin e refugjatëve Maghazi.
Sulmet izraelite kanë vrarë 20,674 njerëz dhe kanë plagosur 54,536 në Gaza që nga 7 tetori, thonë një njoftim nga ministria e shëndetësisë e territorit duke shtuar se vetëm të hënën se 250 palestinezë janë vrarë dhe 500 janë plagosur gjatë 24 orëve të fundit.
Organizata Botërore e Shëndetësisë ka thënë se i ka udhëhequr misionet në spitalet që mezi funksiononin në veri të Gazës gjatë fundjavës, duke përshkruar dëshpërimin në rritje dhe njerëzit e uritur. /The Guardian
Përgatiti: Nuhi Shala
