Gjykata ia bllokon administratës së Trumpit përdorimin e trupave ushtarake në Los Anxhelos

Një gjyqtar i sistemit federal të drejtësisë amerikane ia ka ndaluar të martën (më 02.09.2025) administratës së presidentit Donald Trump nxjerrjen e trupave të gardës Kombëtare në Kaliforni për luftimin e krimit, raporton Reuters.

Gjyqtari i gjykatës në distriktin e San Franciskos, Charles Breyer, ka nxjerrë urdhrin për gjykatën e Distriktit Verior të Kalifornisë, bëhet e ditur në dosjen e gjykatës.

Trump kishte urdhëruar dërgimin e katër mijë pjesëtarë të gardës Kombëtare dhe shtatëqind marinsa në detyrë që të dilnin në rrugët e Los Anxhelosit si kundërpërgjigje ndaj protestave kundër bastisjeve të përmasave masive kundër emigrantëve në qytetin e dytë më të madh të Shteteve të Bashkuara të Amerikës.

Vendimi kishte nxitur tensionet në qytet dhe kishte shkaktuar reagim të demokratëve, të cilët pretendojnë se Trump po përdorë ushtrinë të shtypur kundërshtimet ndaj politikave të tij të ashpra të migrimit.

Rasti kishte shkaktuar dilema legale për autoritetin presidencial.

Padia e ngritur nga Newsom, demokrat i njohur, kishte ngritur dyshimin se trupat kishin shkelur normat e kahershme amerikane dhe një ligj të njohur si Akt Posse Comitatus, që spikatshëm kufizon përdorimin e trupave federale për zbatimin e rendit dhe ligjit brenda vendit.

Administrata Trump ishte kundërpërgjigjur duke pretenduar se kushtetuta amerikane ua lejon presidentëve që të përdorin trupat për të mbrojtur personelin dhe pronën federale si përjashtim ndaj Aktit Posse Comitatus.

Përgatiti: Rexhep Maloku – Kallxo.com