Gjuajti me armë gjatë një ahengu në Mitrovicë të Jugut, arrestohet një person dhe i sekuestrohen tri armë

Një person është arrestuar në Mitrovicë të Jugut nën dyshimin se ka shtënë me armë zjarri në një aheng, në orët e mbrëmjes të datës 14.10.2025.

Sipas organeve të rendit, nga i dyshuari janë sekuestruar një gëzhojë, dy pistoleta, një pushkë gjuetie dhe 44 fishekë.

“Me të pranuar informatën janë ndërmarrë veprime policore, ku njësitet policore kanë identifikuar vendin nga ku ishin dëgjuar të shtënat, me ç’ rast në vendin e ngjarjes, në një aheng familjar në cilësi të provave materiale është gjetur dhe sekuestruar një gëzhojë  dy pistoleta, një pushkë gjuetie dhe 44 fishekë”- thuhet në njoftimin e Policisë të datës 15.10.2025.

Policia e Kosovës njofton se ndaj të dyshuarit është iniciuar rast për veprën penale “Mbajtje në pronësi ose kontroll i paautorizuar i armëve dhe “Përdorim i armës”, ndërsa me aktvendim të prokurorit të njëjtit i është caktuar masa e ndalimit për 48 orë.