Avokati Jashari tregon se nga kush krijohen dezinformatat për gjykatat
Avokati Arbër Jashari, në emisionin “Kallxo Përnime” ka thënë se dezinformimi për sistemin e drejtësisë vijnë nga njerëz të cilët nuk kanë lidhje me këtë sistem.
“Te ne dezinformata ndodhë në terren për shkak që nuk ka një edukim të mirëfilltë, nuk vijnë dezinformatat nga gazetarët për shkak se ata që e përcjellin sistemin, gjykatën më së miri raportojnë. Dezinformata vjen prej atyre që ‘nuk kanë haber’ çka ndodhë në gjykatë”-tha Jashari.
Jashari ka qenë nga vitit 2013 e deri më 2020 zëdhënës në Gjykatën e Apelit si dhe ka ndarë vështirësitë që i kishte në komunikim me gjyqtarët atë kohë.
“Ka qenë lufta me e vështirë, sepse ata gjyqtarë kur kam shkuar në vitin 2013 ka qenë një pliad tjetër e gjyqtarëve, të cilët i ka kapë ai sistemi i kaluar dhe kur ti shkojshe dhe ju thojshe ai fillimisht kishte qasje armiqësore ose refuzuese ndaj zëdhënësit të gjykatave, thojke po çka kam punë unë me mediat”- tha Jashari.
Avokati tregoi se deri në vitin 2013, gjykatat nuk kanë pasur zëdhënës për informim dhe komunikim me publikun.
Sipas Jasharit, luftimi i dezinformimit është mjaft i vështirë pasi dezinforimi zë vend dhe hapsirë në një shoqëri e cila nuk është mirë e edukuar në aspektin medial.
