Një i vdekur dhe dy të lënduar në një aksident në rrugën Suharekë- Shtime
Një person ka vdekur dhe dy të tjerë janë lënduar në një aksident mes një autobusi dhe një veture në rrugën Suharekë–Shtime.
Aksidenti ka ndodhur rreth orës 19:00, më 28.09.2025, në mes të fshatrave Duhle dhe Carralevë.
Lajmin e ka konfirmuar për KALLXO.com, Shaqir Bytyqi, zëdhënës i Policisë për rajonin e Prizrenit.
Ai tha se rruga në të cilën ndodhi aksidenti është e bllokuar për qarkullim deri në përfundim të ekzaminimeve nga njësitë kompetente policore.
“Si pasojë e aksidentit, një pasagjer i automjetit ka humbur jetën në vendngjarje, ndërsa dy të lënduarit janë dërguar për trajtim mjekësor në spitalin e Prizrenit. Nga të dhënat e para dyshohet se automjeti BMW ka humbur kontrollin dhe është përplasur me autobusin”- potencoi zëdhënësi.
Hetimet për zbardhjen e plotë të rastit, sipas tij, janë në zhvillim.
