Gjykata vendos për katër të dyshuarit për "vjedhje të rëndë në tentativë", në Mitrovicën e Veriut

Para 5 ditësh Drejtoria Rajonale në Mitrovicë të Veriut ka arrestuar katër persona për përfshirje në veprën penale “vjedhje e rëndë në tentativë”.

Ndërsa sot, më 26.06.2025, Gjykata e Mitrovicës ka caktuar masën e paraburgimit në afat prej 30 ditësh për tre të dyshuarit: V.I., 27 vjeçar, M.H., 30 vjeçar dhe 25 vjeçarin me iniciale A.S.

Ndërsa, për të dyshuarin e katërt, 20-vjeçarin me iniciale Z.B., Gjykata ka caktuar masën e arrestit shtëpiak.

“Policia e Kosovës mbetet e përkushtuar në realizimin e detyrave ligjore, identifikimin dhe hetimin e veprave penale, si dhe në sjelljen para Drejtësisë të të gjithë personave të përfshirë në veprimtari të kundërligjshme.” – thuhet në Njoftimin e Policisë së Kosovës, më 26.06.2025.