Në emisionin ‘Jeta në Kosovë’, u transmetuan intervistat me Ministrin për Punë të Jashtme dhe Evropë të Shqipërisë, Ditmir Bushati dhe Ambasadorin e Shteteve të Bashkuara të Amerikës në Kosovë, Greg Delawie.

Në intervistën e tij të fundit para përmbylljes së mandatit , Delawie rikapitulon tre vitet e tij në Kosovë.

Diplomati amerikan përgjigjet në pyetjet se kush nga politikanët kosovarë e ka ‘tradhëtuar’ dhe si  po e len Kosovën.

Në këtë intervistë ai rrëfen dhe momentet më të mira e më të vështira si ambasador në Kosovë.

Diplomati tjetër përballë Jeta Xharrës, Ditmir Bushati vjen nga Shqipëria dhe flet për marrëdhëniet e dy shteteve dhe pikëpamjet shqiptare në politikën e Kosovës.

Kryediplomati shqiptar në këtë intervistë diskuton çështje nga taksa e Rrugës së Kombit e deri te qëndrimi i Shqipërisë për politikën e jashtme të Kosovës.

Emisionin “Jeta në Kosovë”  transmetohet çdo të enjte në RTK në orën 20:15  dhe repriza të premten në mesditë.

Policia e Kosovës ka njoftuar se gjatë kontrollit të një automjeti në Qagllavicë, më 03.12.2025 ka gjetur dhe sekuestruar mbi 138 mijë euro.

“Njësiti policor gjatë kontrollimit të automjetit me targa vendore ka gjetur dhe sekuestruar një shumë parashë prej 138,850 € (njëqind e tridhjetë e tetë mijë e tetëqind e pesëdhjetë euro).” – thuhet në njoftimin e Policisë më 05.12.2025.

Lidhur me rastin, Policia ka bërë të ditur se ka sjellur në stacion policor dy të dyshuarit, njëri nga ta shtetas gjerman dhe ndaj tyre ka iniciuar veprën penale “Shmangie nga tatimi”.

Të njëjtit më vendim të prokurorit janë liruar në procedurë të rregullt pas intervistimit.