Zotohet Bytyqi: Në PISA do rangohemi minimum tre vende më lart
Ministri në detyrë i Arsimit, Shkencës dhe Teknologjisë, Shyqiri Bytyqi është shprehur optimist në lidhje me rezultatet që do të shpallen për testin PISA këtë vit.
Bytyqi në Debatin “ZgjidhjepërZgjedhje” e ka thënë se Kosova këtë vit do të rangohet tre vende më lartë se në vitin 2015.
“Kur flasim për testin PISA janë disa elemente që na bëjnë më optimist, që do të jemi më mirë se që kemi qenë më mirë se në vitin 2015. Unë mendoj që do të jemi rankuar minimumi 3 vende më lartë se që kemi qenë”, ka thënë ai.
Ai ka treguar arsyet pse mendon se do të ketë përmirësim në rangim.
“Duhet të bëhemi real, për dy arsye për ndryshimet që kanë ndodhur nga 2015 për kurrikulën në kompetencë, elementi i dytë është përgatitja që i kemi bërë për testin –PISA 2018, dhe kemi bërë një organizim të shpejtë dhe kemi arritur që t’i bëjm; disa teste provuse me nxënës, me të gjitha shkollat ku kemi pretenduar që do të jenë pjesë e testit PISA, shto kësaj kemi bërë edhe një test të dytë provues dhe kemi rezultate të mira”, tha Bytyqi.
Testi ndërkombëtar PISA ku Kosova mori pjesë për herë të parë në vitin 2015 e rangoi Kosovën të tretën nga fundi në mesin e 72 vendeve të botës.
Bytyqi ishte pjesë e debatit me ish-Ministra dhe zyrtarë të kësaj fushe. Pjesëmarrës në debat ishin: Rexhep Osmani, Arsim Bajrami dhe Arbërie Nagavci.
