Ilustrim Foto: Afrim Ejupi / KALLXO.com
Vdes në QKUK këmbësori që ishte goditur nga vetura në Mitrovicë të Jugut një muaj më parë
30.9.2025 - 13:13
Pas një muaji që nga aksidenti në Mitrovicë të Jugut, ka vdekur një person në Qendrën Klinike dhe Universitare të Kosovës (QKUK).
Policia në raportin 24 orësh ka bërë të ditur se më 31.08.2025, rreth orës 01:07, një këmbësor ishte goditur nga një veturë në lëvizje, të cilën e drejtonte një person i dyshuar.
Viktima kishte pësuar lëndime të rënda trupore dhe ishte dërguar në QKUK për trajtim mjekësor.
Sipas Policisë, ai ka ndërruar jetë më 29.09. 2025, si pasojë e plagëve të marra në aksident.
Policia ka njoftuar se rasti është duke u hetuar.
