Punëtori lëndohet në Mitrovicë të Veriut, inspektorët e punës dhe Policia në vendngjarje

Një punëtor është lënduar më 27.05.2025, gjatë kryerjes së detyrave në një firmë private në Mitrovicë të Veriut.

Sipas Raportit të Policisë së Kosovës viktima ka pësuar lëndime trupore dhe është dërguar për trajtim mjekësor.

“Rasti ka ndodhur gjatë punës në një firmë private, ku viktima është lënduar. Ai është dërguar për trajtim në Spital.” – thuhet në Raportin 24-orësh.

Në vendin e ngjarjes kanë dalë edhe inspektorët e punës për të verifikuar kushtet në të cilat është ndodhur aksidenti.

“Përveç njësive policore në vendngjarje kanë dalë edhe inspektorët e punës. Rasti po hetohet nga Njësitet relevante.” – sqaroi Policia.