Policia kryen kontrolle të detajuara të pasagjerëve të fluturimit Londër-Prishtinë

Policia e Kosovës ka njoftuar se ka kryer kontrolle të detajuara të pasagjerëve të fluturimit Londër-Prishtinë.

Sipas Policisë, një pasagjer kishte mjete monetare mbi sasinë e lejuar 9,500.00 funte apo 11,033.00 euro.

PK thekson se sipas procedurave 25% e mjeteve janë konfiskuar.

“Policia Kufitare në Aeroportin Ndërkombëtar të Prishtinës, ka vazhduar aktivitetet në realizim të planit operativ me qëllim të kontrollimit të pasagjerëve të linjës Londër-Prishtinë dhe anasjelltas, me qëllim të parandalimit të kontrabandës dhe shkeljeve tjera ligjore”- thuhet në njoftimin e Policisë.