Policia arreston dy persona dhe konfiskon tre armë në rajonin e Mitrovicës

Në fundjavë, Policia e Mitrovicës ka konfiskuar tre armë në dy raste të ndryshme, një në Mitrovicë e tjetri në Vushtrri.

Sipas tyre, në Mitrovicë janë arrestuar dy burra pas një mosmarrëveshjeje tek një parking.

Njëri i dyshuar e ka kanosur tjetrin, me ç’rast i është konfiskuar një armë e llojit pistoletë me 21 fishekë.

“Pas intervistimit dy të dyshuarve me aktvendim të prokurorit u është caktuar masa e ndalimit policor. Ndaj tyre janë iniciuar raste për veprat : Mbajtje në pronësi, kontroll, posedim të pa autorizuar të armës dhe sulm”- thuhet në njoftim.

Ndërkaq në Vushtrri, një burrë është arrestuar ku pas kontrollit të detajuar në automjetin e tij janë dhe gjetur dhe  sekuestruar një armë e gjatë pushkë automatike me 30 fishek, një pistoletë dhe një thikë.

Ndaj të dyshuarit të lartcekur është inicuar rasti “Mbajtje në pronësi, kontroll, posedim të pa autorizuar të armës” ndërsa i njejti është liruar në procedurë të rregullt.