Pas vendimit të Ministrisë, reagon kompania e cila bënte kontrollin e cilësisë së naftës
Gjatë ditës së djeshme, ministrja e Tregtisë dhe Industrisë, Rozeta Hajdari, ka marr vendim që kontrolli i cilësisë së naftës t’i kthehet Doganës së Kosovës.
Pas këtij vendimi, ka reaguar pronari i njërës kompani e cila bënte kontrollin deri më tani.
Jakup Gashi, pronar i kompanisë “Sierra Lab”, në Prishtinë, përmes një postimi në facebook i është drejtuar ministres Hajdari për vendimin e saj.
“Rozeta Hajdari nga sot nuk do vlejnë certifikatat e trupave të autorizuara vendore, pra do vazhdojnë të pranohen certifikatat e NIS PANCEVO SERBIA. BRAVO ministre BRAVO mafia e naftës”, ka shkruar Gashi.
KALLXO.com gjatë ditës së djeshme ka kontaktuar edhe me pronarin e kompanisë tjetër e cila ishte e emëruar për kontrollin e cilësisë së naftës.
Ministria e Tregtisë dhe Industrisë më parë kishte emëruar dy kompani për kontrollin e cilësisë së naftës, kompaninë e Jakup Gashit dhe kompaninë e Valdet Teneqes.
Valdet Teneqja është baxhanaku i Endrit Shalës, ish-ministrit të Tregtisë dhe Industrisë nga radhët e Partisë Nisma Socialdemokrate.
Ai mbrëmë për KALLXO.com ka thënë se nuk ka koment rreth vendimit.
“Flasim të hënën, pasi që nuk kam ndonjë koment. Nuk e kam pa ende vendimin, flasim të hënën”, u shpreh shkurt Teneqja.
Ministrja e Ministrisë së Industrisë, Ndërmarrësisë dhe Tregtisë, Rozeta Hajdari ka njoftuar se ka marr vendim ta rikthej Udhëzimin Adminitrativ e ish ministrës Hykmete Bajrami të marrur në vitin 2017 për cilësinë e karburanteve të lëngëta të naftës. Ajo gjithashtu ka njoftuar se me këtë vendim, ka anuluar edhe dispozitat kyçe të Udhëzimit Administrativ (MTI) nr. 09/2020 për kontrollin dhe cilësinë e karburanteve të lëngëta të naftës, duke theksuar se tash kontrolli i naftës i kthehet Doganës së Kosovës.
Emisioni “KallxoPernime”, në muajin mars ka transmetuar hulumtimin rreth krijimit të trupave inspektuese për kontrollin e cilësisë së naftës.
Udhëzimi Administrativ i Ministrisë së Tregtisë dhe Industrisë, kontrollin e cilësisë së naftës ia kishte marrur Doganës së Kosovës duke ua kaluar atë trupave inspektuese private të emëruara nga kjo ministri.
https://kallxo.com/lajm/vendim-kontrolli-i-naftes-kthehet-ne-dogane/
