Pas raportimit të KALLXO.com, "korrigjohet" gabimi në pllakën e Rektoratit të UP-së

Pllaka në murin e oborrit të Rektoratit të Universitetit të Prishtinës “Hasan Prishtina” nuk e ka më gabimin drejtshkrimor të fjalës “Universitet” në gjuhën angleze.

Për këtë çështje KALLXO.com raportoi 11 ditë më parë.

KALLXO.com raportoi se fjalës në gjuhën angleze “University”, që do të thotë “Universitet”, në pllakë i mungonte shkronja s.

Ekipi i KALLXO e ka vizituar Rektoratin e UP-së më 23.09.2025 dhe ka parë se në pllakë është vendosur një letër ngjitëse me fjalën “University”.

KALLXO.com nga data 11.09.2025 u ka shkruar Arben Hajrullahut, rektorit të UP-së dhe Besnik Loxhës, ushtruesit të detyrës së sekretarit të UP-së lidhur me këtë gabim por ata ende nuk kanë kthyer përgjigje.

https://kallxo.com/lajm/pllakata-ne-murin-e-oborrit-te-rektoratit-te-up-se-me-gabime-gjuhesore/