Një qytetar raporton se i janë vjedhur 150 mijë euro në shtëpinë e tij në Deçan

Një qytetar nga Deçani ka raportuar në Policinë e Kosovës se i janë vjedhur 150 mijë euro, të cilat i mbante në shtëpi.

Policia njoftoi se ankuesi ka raportuar se persona të panjohur kanë depërtuar përmes dritares në shtëpinë e tij dhe prej aty kanë vjedhur një kasafortë në cilën kishte pasur një shumë të madhe parash dhe stoli ari.

Zëdhënësi i Prokurorisë në Pejë, Shkodran Nikçi tha për KALLXO.com se me rastin po merren hetimet rajonale të Pejës.

“Fillimisht është marrë stacioni i Policisë në Deçan, pastaj ka kaluar tek hetimet rajonale, të cilët bashkë me prokuroren e Shtetit janë duke dalë në vendin e ngjarjes për të kryer ekzaminimet e nevojshme dhe për të dhënë autorizime që do të shërbejnë për identifikimin e personit apo personave të dyshuar, lokalizimin dhe arrestimin e tyre” – ka thënë Nikçi për KALLXO.com.

https://kallxo.com/lajm/vjedhje-e-rende-ne-decan/