Një person raporton se ka pranuar rreth 2 mijë euro monedha metalike të falsifikuara

Policia e Kosovës ka njoftuar se më 13.05.2024 një person ka raportuar se janë pranuar para metalike të dyshuara për falsifikim në vlerë prej rreth 2000 euro.

Sipas Policisë rasti ka ndodhur në Prishtinë.

Sipas Policisë, paratë e dyshuara janë konfiskuar për hetime të mëtutjeshme.

Banka Qendrore e Kosovës (BQK) ka bërë të ditur se nga dhjetori i 2023-s e deri në prill të këtij viti janë tërhequr nga qarkullimi 2.5 milionë monedha 2 euroshe.

“Janë detektuar dhe u është parandaluar hyrja në sistemin financiar rreth 54,000 copë monedha të denominimeve prej 2 eurosh, duke i tërhequr nga qarkullimi të dyshuara si të falsifikuara”- thuhet në njoftimin e BQK-së, më 13.05.2024

Njëkohësisht, BQK njofton se i ka futur në qarkullim afro 7. 4 milionë copë monedha.

https://kallxo.com/lajm/parate-false-bqk-ja-terheq-nga-qarkullimi-2-5-milione-monedha-dy-euroshe/