‘Next Generation’, Tropoja bëhet qendra e re e dialogut kulturor Shqipëri-Kosovë

Më 21 e 22 nëntor 2025, Bajram Curri – Tropoja, në Shqipëri, do të kthehet në një skenë të gjallë arti, krijimtarie dhe diplomacie kulturore, duke mirëpritur edicionin e parë të “Next Generation”, një projekt që synon të krijojë një hapësirë të përbashkët për artistët dhe të rinjtë nga Shqipëria dhe Kosova.

“Next Generation”, siaps organizatorëve, është më shumë sesa një event, një ftesë për bashkëpunim.

“Atje ku arti bëhet mjet dialogu, ku kultura merr forma të reja dhe ku zëri i brezit të ri tejkalon kufijtë politikë. Në një rajon ku lidhjet kulturore kanë qenë historikisht të natyrshme, projekti rikthen fokusin pikërisht te ajo që është e përbashkët: energjia krijuese dhe dëshira për të ndërtuar të ardhmen së bashku” – thuhet në njoftimin e organizatorëve.

Organizimi në Tropojë i “Next Generation” bëhet sepse është një nga vendet ku marrëdhënia mes Shqipërisë dhe Kosovës ka qenë gjithmonë organike.

“Ku kulturat nuk takohen për herë të parë, por rikthehen tek njëra-tjetra. Tropoja ofron terrenin e duhur për të ndërtuar një model të ri diplomacie kulturore, të bazuar në kreativitet, bashkëpunim dhe art që buron nga brezi i ri”- thuhet në njoftim.

Gjatë dy ditëve sa do të mbahet ku event, më 21–22 nëntor 2025, do të ketë forume, performanca, punëtori, ekspozita dhe aktivitete interaktive, të cilat bashkojnë disiplinat kryesore kreative: në kinematografi, muzikë, artë e kulturë, food dising e trashëgimi kulturore.

Sipas organizatorëve, qëllimi i këtij aktiviteti është të krijojë një platformë ku artistët dhe të rinjtë të ndërveprojnë lirshëm, të shkëmbejnë ide dhe të ndërtojnë ura të reja.

“Të mendojnë përtej kufijve dhe të imagjinojnë bashkë një vizion të ri kulturor për rajonin. Next Generation është një hap i parë i domosdoshëm drejt një modeli më të avancuar të diplomacisë kulturore,  një diplomaci që lind nga arti, bashkëkrijimi dhe dëshirat e brezit të ri”- thuhet në njoftim.

“Next Generation” synon të forcojë bashkëpunimin kulturor ndërmjet Shqipërisë dhe Kosovës dhe të ndërtojë një model të ri diplomacie kulturore që buron nga arti dhe energjia e brezit të ri.