KFOR-i, EULEX-i dhe Policia e Kosovës zhvillojnë të hënën një stërvitje të përbashkët

KFOR-i ka njoftuar se bashkë me EULEX-in dhe Policinë e Kosovës do të zhvillojnë të hënën, më 25.11.2024, stërvitjen e përbashkët “Golden Sabre 2024,” në kampin “Vrella”.

Sipas njoftimit të KFOR-it, stërvitja do të testojë zbatimin e procedurave të menaxhimit të krizave në skenarë të ndryshëm sigurie.

“Stërvitja do të përfshijë rreth 600 persona dhe mjete në gjithë zonën e stërvitjes në Prishtinë, si dhe në rrethinën e saj dhe përgjatë rrugëve kryesore”- thuhet në njoftim.

Po, sipas njoftimit, banorët vendas mund të përballen me rritje të përkohshme të trafikut rrugor.

KFOR-i bën të ditur se do të vazhdojë të kontribuojë për një mjedis të sigurt për të gjitha komunitetet në Kosovë.