Kapen mbi 4 kg kokainë me vlerë 300 mijë euro, arrestohet një person në Prizren

Policia e Kosovës ka sekuestruar 4 kilogramë e 440 gramë kokainë, me vlerë të përafërt prej 300 mijë euro, gjatë kontrollit në dy lokacione në Prizren.

Në lidhje me rastin është arrestuar një person me inicialet H. K. (1994).

Gjatë operacionit janë konfiskuar gjithashtu:

• Dy peshore elektronike;

• 260 euro para të gatshme;

• Një pajisje për vakumim qesesh plastike;

• Një motoçikletë “Piaggio Vespa”;

• Një telefon “iPhone 15 Pro Max”;

• Një skalper;

• Sasi e konsiderueshme qesesh plastike për paketim.

Policia bën të ditur se sipas vlerësimeve, sasia e sekuestruar e kokainës në tregun ilegal mund të arrijë vlerën deri në 300 mijë euro.

I dyshuari është ndaluar për 48 orë, ndërsa hetimet po vazhdojnë nga Njësia e antidrogës në Prizren, në bashkëpunim me Prokurorinë Themelore në këtë qytet.