Spanja kampione e Europës

Spanja ka mposhtur me rezultat 2-1 Anglinë për të fituar kampionatin europian Euro 2024.

Fillimisht shënoi Spanja përmes Nico Williams në minutën e 47-të, për të barazuar Anglia në minutën e 73-të përmes Cole Palmer.

Goditjen e fundit Anglisë ia dha Mikel Oyarzabal në minutën e 86-të.

Ky është trofeu i katërt europian për Spanjën.

Më parë këtë trofe Spanja e pati fituar më 1964, 2008 dhe 2012.

22:49

Spanja kalon në epërsi ndaj Anglisë, shumë afër titullit

Oyarzabal ka shënuar për t’i dhënë Spanjës epërsinë 2-1 ndaj Anglisë.

Goli u shënua në minutën e 86-të.

22:39

Barazon Anglia me supergolin e Palmer

Anglia ka barazuar rezultatin ndaj Spanjës në minutën e 73-të.

Golin e shënoi Cole Palmer për të barazuar pas golit të Nico Williams për Spanjën në minutën e 47-të.

Palmer u inkuadrua në lojë vetëm 3 minuta para se të shënonte.

22:12

Spanja kalon në epërsi ndaj Anglisë

Spanja ka shënuar gol ndaj Anglisë në finalen e Euro 2024.

Në minutën e 47-të shënoi Nico Williams me asist të Lamine Yamal.

22:09

Finalja Spanja-Anglia, rezultat i bardhë në fund të pjesës së parë

Ka përfunduar pjesa e parë e finales së Euro 2024 mes Spanjës dhe Anglisë.

Rezultati në fund të kësaj pjese ka mbetur 0-0.

Me gjithë iniciativën e Spanjës gjatë kësaj gjysmë pjese, rezultati pas 45 minutash mbeti i pandryshuar.

21:00

Nis Finalja

Ka nisur ndeshja Spanjë-Angli, ndeshja finale e kampionatit Euro 2024.

Kjo ndeshje po luhet në Berlin të Gjermanisë.

Spanja po luan me formacionin: Simon; Carvajal, Le-Normand, Laporte, Cucurella; Fabian, Rodi, Olmo; Yamal, Morata dhe Wiliams Jr.

Anglia ka startuar me: Pickford; Guehi, Stones, Walker; Saka, Shaw, Mainoo, Rice, Bellingham, Foden; Kane.

Për të arritur deri në finalen e Euro 2024, Anglia fillimisht doli fituese me Grupin C me një fitore dhe dy barazime.

Anglia në grup ishte me Danimarkën, Slloveninë dhe Serbinë.

Pas kalimit të grupit si kryesuese Anglia mposhti Sllovakinë 2 me 1, pastaj në çerekfinale pas barazimit 1 me 1 mposhti Zvicrën në penallti me rezultat 5 me 3 dhe në gjysëm finale mposhti Holandën me rezultat 2 me 1.

Spanja në anën tjetër kryesoi Grupin B në të cilin bënin pjesë Italia, Kroacia dhe Shqipëria.

Grupin e kryesoi me 3 fitore ndaj të tre kundërshtarëve.

Më pas Spanja mposhti Gjeorgjinë me rezultat 4 me 1, Gjermaninë në çerekfinale e mposhti me rezultat 2 me 1 si dhe në gjysmëfinale me po të njëjtin rezultat e mposhti edhe Francën.

20:24

Formacionet e Spanjës dhe Anglisë për finalen e Euro 2024

Federata e Futbollit e Spanjës ka publikuar formacionin e Spanjës për finalen e Euro 2024 ndaj Anglisë.

Sipas Federatës spanjolle, Spanja në portë fillon me Unai Simon kurse mbrojtja përbëhet nga Carvajal, Le-Normand, Laporte dhe Cucurella.

Mesfusha e Spanjës ndaj Anglisë përbëhet nga Fabian, Rodi dhe Olmo.

Sulmuesit për këtë përballje janë Yamal, Morata dhe Wiliams Jr.

Në anën tjetër, sipas Sofascore, Anglia do e fillojë me Pickford në portë.

Guehi, Stones e Walker përbëjnë mbrojtjen angleze ndaj Spanjës.

Në mesfushë Anglia fillon me Saka, Shaw, Mainoo, Rice, Bellingham dhe Foden kurse sulmin e kryeson kapiteni Kane.

Finalja e Euro 2024 fillon në ora 21:00 dhe luhet në Berlin.