Dogana e Kosovës sekuestron 100 steka cigare në Aeroportin e Prishtinës
Dogana e Kosovës, më 22.06.2025, ka ndaluar një shtetase të huaj në Aeroportin Ndërkombëtar të Prishtinës, pasi u kap duke transportuar në mënyrë të paligjshme 100 steka cigare me banderola të Shqipërisë.
Sipas njoftimit, e dyshuara i kishte fshehur stekat në dy bagazhe personale.
“Malli i kontrabanduar është konfiskuar dhe plumbuar sipas procedurave standarde, ndërsa është depozituar për trajtim të mëtejmë ligjor në kuadër të procedurës së kundërvajtjes. Kundrejt personit të përfshirë janë ndërmarrë veprimet e nevojshme ligjore”- ka njoftuar Dogana.
Dogana e Kosovës ka “riafirmuar përkushtimin e saj për të mbrojtur interesin shtetëror”, duke forcuar kontrollet kufitare dhe duke parandaluar çdo aktivitet të paligjshëm që dëmton ekonominë dhe sigurinë publike.
