Basketboll, Trepça mposhtet në “Minatori” nga ekipi gjerman Braunschweig

Ekipi gjerman Basketboll Löwen Braunschweig shënoi fitore ndaj klubit të basketbollit Trepça me rezultat 84:70 në ndeshjen që u zhvillua në palestrën “Minatori” në Mitrovicë sonte, më 22.10.2025.

Ndeshja u zhvillua në kuadër të FIBA – EuroCup.

Çereku i parë ishte në favor të ekipit mitrovicas, i cili shënoi 18 pikë ndërsa mysafirët shënuan 14 pikë.

Rezultat i ngushtë ishte në çerekun e dytë, me dy pikë epërsi, 32 për Trepçën dhe 34 për ekipin kundërshtar.

56 pikë kishin xehetarët në çerekun e tretë ndërsa gjermanët e Basketball Löwen Braunschweig shënuan 58 pikë.

Ndryshe, kjo ishte ndeshja e dytë e grupit, ku mitrovicasit u përballën me skuadrën gjermane.

Në hapje të edicionit ekipi nga Gjermania triumfoi ndaj Anwilit të Polonisë pas vazhdimeve me rezultat 98:97.