Arrestohet burri dyshohet se rrahu e kërcënoi bashkëshorten e cila kishte edhe urdhër mbrojtje

Një burrë është arrestuar në Rahovec nën dyshimin për dhunë në familje ndaj bashkëshortes së tij.

Të dhënat e policisë tregojnë se burri në gjendje të dehur dyshohet se kishte dëmtuar, thyer gjësende në shtëpi, më pas kishte thyer edhe telefonin e tij dhe të bashkëshortes.

Kjo e fundit madje në bazë të njoftimit të policisë kishte edhe një urdhër mbrojtje.

Përveç telefonit, burri në bazë të raportit ditor të policisë dyshohet edhe se e rrahu dhe e kërcënoi bashkëshorten e tij deri sa kjo e fundit kishte arritur t’i shmanget rrezikut duke u futur në shtëpinë e djalit të saj.

Palëve u është ofruar tretman mjekësor, ndërsa i dyshuari me urdhër të prokurorit është dërguar në mbajtje.