Aksident trafiku me fatalitet në rrugën Mitrovicë - Skenderaj 

Një grua 65-vjeçare ka vdekur si pasojë e një asidenti që ka ndodhur më 30.04.2025, në rrugën rajonale  Mitrovicë – Skenderaj.

Rastin e ka konfirmuar për KALLXO.com Avni Zahiti nga Policia e Kosovës.

“Sot, rreth orës 12:54, është raportuar për një aksident trafiku me pasojë fataliteti, i shkaktuar në rrugën rajonale Mitrovicë-Skenderaj, përkatësisht në fshatin Klinë e Ulët.” – tha ai.

Sipas Zahitit, në aksident janë përfshirë dy vetura dhe si pasojë e lëndimeve të pësuara në aksident ka humbur jetën viktima rreth 65-vjeçare, ndërsa siç tha ai kanë pësuar lëndime edhe katër persona të tjerë, të cilët janë dërguar për tretman mjekësor në Spitalin Rajonal në Mitrovicë.

“Njësitet përkatëse policore kanë dalë në vendngjarje dhe po zhvillojnë hetimet për  aksidentin.” – theksoi ai.